Ingólfshöfði er afskekktur klettahöfði sem rís upp af ströndinni mitt á milli Skaftafells og Jökulsárlóns. Höfðinn er nefndur eftir fyrsta landnámsmanni Íslands, Ingólfi Arnarsyni sem hafði vetursetu við höfðann árið 874.

Ingólfshöfði er friðlýstur og þar er heimili þúsunda sjófugla, þar á meðal lunda og skúma.

Leiðarlýsing:

Til að komast að Ingólfshöfða þurfum við að aka 7 km leið yfir vötn og sanda. Við notum heyvagn og dráttarvél til að komast í Höfðann og tekur aksturinn um 30 mínútur hvora leið. Þegar stigið er af kerrunni tekur við brött sandalda sem mörgum sýnist erfið í fyrstu. Hins vegar þá pössum við að allir geti hvílt sig eftir hvern kafla göngunnar og stoppum reglulega til að segja sögur eða skoða eitthvað áhugavert í Höfðanum.
Gönguhringurinn sjálfur er um 2,5 km. Við mælum ekki með að fara í ferðina nema þú treystir þér til þess að taka þátt í þessari frekar léttu göngu.

​

Hér eru myndir úr Ingólfshöfða sem segja meira en 1000 orð.

​

Vinsamlega athugið, til að brottför sem auglýst er á bókunardagatalinu sé örugglega farin þá þurfa einhverjir að vera bókaðir í hana. Núna erum við að fara 10:15 og 13:30 ef einhver er bókaður. Það þarf lágmark 2 viðskiptavini. Suma daga eru fleiri tímar í boði. Hafið samband ef þið eruð nokkur saman og ekki er pláss. Við gerum hvað við getum.​

​

Við erum dugleg að setja inn myndir og pósta um aðstæður í Ingólfshöfða á facebook. Facebook síðan okkar er www.facebook.com/fromcoasttomountains

​

20% afsláttur ef notaður er promo code í bókunarsíðunni: FERÐUMST INNANLANDS

​